Parlamentera Katalan Reguant bang li civaka navneteweyî kir ku li dijî êrîşên li ser Rojava bikeve nava liv û tevgerê û got, "Dewleta Tirk bi salan e êrîşî sivîlan dike. Nabe ku em bêdeng bimînin. Modela Rojava ku hêviya paşerojê ye, divê bê parastin."
Endamê KNK’ê Adem Ûzûn li NY’ê axivî û têkildarî banga Rêber Apo ya dîrokî bang li civaka navneteweyî kir ku berpirsiyariyan bigire. Hişyar Ozsoy jî got: “Mezintirîn astengiya li pêşiya demokratîkbûyîna Tirkiyeyê, çaresernebûna pirsgirêka Kurd e.”
Heyeta DEM Partiyê piştî hevdîtina li gel AKP û MHP’ê civîneke çapemeniyê li dar xist û diyar kir ku wan di hevdîtinan de ‘’hiqûqa aşitiyê’’ nirxandiye.
Hevseroka Giştî ya DBP'ê Çîgdem Kiliçgun Ûçar li pîrozbahiya Newrozê ya li Hezexê axivî û got, "Em di qonaxeke gelekî krîtîk de ne" û bang li dewlet û desthilatdariyê kir ku gavê biavêje.
Li Erxeniyê di Newrozê de Hevserokê KCD'ê Berdan Ozturk axivî, komkujiya li Kobanê bi tundî şermezar kir û got, "Ev yek nayê qebûlkirin. Li gel çeteyên xwe êdî ji Sûriyeyê derkevin."
