Civînê li avahîya Mala Çandê ya bajarê Mîçûrînskê bi deqeyeke rêzgirtinê dest pê kir. Piştre li ser jiyana Zîlan (Zeynep Kinaci), Sema Yuce û Gulan (Fîlîz Yerlîkaya) sinevizyonek hat nîşandan. Beşdarên merasîmê têkildarî dîrok û wateya jiyana şehîdan a di nava Tevgera Azadiya Kurdistanê de axivîn.

Piştre berpirsiyara Tevgera Jinên Kurd ya Mîçûrînskê Zêmfira Fêro bal kişand ser têkoşîna şehîdên azadiya Kurdistanê û ev yek anîn ziman: ‘’Çalakiya Şehîd Zîlan çalakîyeke dîrokî bû, rastîya jina Kurd a di dîrokê de da îspatkirin. Zîlan weke sembola jina Kurd hatiye binavkirin. Zîlan, Sema û Gulan ji bo azadîya Kurdistanê û azadîya jinên Kurd û partîbûna jinan bûn bingehek.”

Zêmfira Fêro di dewama axaftina xwe de dilsoziya xwe ya ji bo şehîdan anî ziman û got: “Çalakiya hevala Zîlan  li hemberî komploya dijmin a li dijî Rêber Apo bersivek bû. Hevala Zîlan ji bo azadîya Kurdistanê û jina Kurd çalakiyeke fedaî pêk anî. Weke jinên Kurd pêwîst e em li keda şehîdên xwe xwedî derkevin û wan ji bîr nekin. Em bi saya keda wan gihîştine van rojan. Em li hemberî hemû şehîdan bejna xwe ditewînin û dibêjin şehîd namirin.’’

Çalakî bi berzkirina dirûşmeyê “Şehîd Namirin” bi dawî bû.