CÎHAN

Nûçeyên Dawî

• DYE û Koreya Başûr nema tetbîqatên hevpar dikin 

  DYE û Koreya Başûr dawî li tetbîqata mezin a leşkerî anîn ku salane pêk tînin.
• Li Ermenîstanê mîtînga li dijî tecrîdê 

  Kurdistaniyên li Ermenîstanê, ji bo şermezarkirina ji bo bidawîbûna tecrîdkirina Rêberê Gelê Kurd Abdullah Ocalan mîtîngek li dar xistin.
• Li Îranê ji ber qezaya otobusê 8 kes mirin 

  Li rêya bejahî ya navbera bajarên Kûm-Tehranê yên Îranê otobusek qelibî. Di qezayê de 8 kes mirin, 36 kes birîndar bûn.
• Îranê moşekeke dî da naskirin 

  Rejîma Îranê li gel helwesta hikûmetên Rojavayî jî bernameya moşekan didomîne. Li Tehranê bi merasîmekê hate ragihandin wê moşeka bi navê 'Kor'ê hilberînin.
• Li Efganîstanê êrîş çû ser baregeha leşkerî 

  Li bajarê Helmand ê başûrê Efganîstanê tevgera Talîban, êrîş bire ser baregeheke leşkerî. Hate gotin 9 milîtanên Talîban hatine kuştin.
• Iraqê û koalîsyonê li dijî DAÎŞ'ê operasyon kirin 

  Artêşa Iraqê û Koalîsyona Navneteweyî li Kerkûk û derdora wê li dijî DAÎŞ'ê operasyonên hewayî kirin. Di encamê de 4 çeteyên DAÎŞ'ê hatin kuştin.
• Li Lubnanê dibe ku pirsgirêkên giran rû bidin 

  Li Lubnanê ku hema bêjin bi qasî nifûsa wê hejmareke penaberan heye, krîza siyasî û aborî lê mezin dibe û Hîzbûllah ji dewletê xurt e, dibe ku pirsgirêkên mezin rû bide.
• Li Îdlibê şer: 20 çekdaren alîgirê rejîmê hatin kuştin 

  Mala Çavdêr a Mafê Mirovan a Sûriyê (SOHR), ragihand, li herêma Îdlibê, êrîş çûye ser cihên ku hêzên rejîmê lê dimînin û bi kêmanî 20 çekdarên alîgirên rejîmê hatine kuştin.
• Îran bi îstîfaya Zarîf dihejije 

  Piştî ku Wezîrê Karê Derve yê Îranê Cevad Zarîf Duşemê îstîfa kir, li Îranê nîqaşên kûr ên siyasî dest pê kirin.
• Şaredariyeke Parîsê xelat da Gultan Kişanak 

  Şaredariya Choîsy-le-Roî ya li paytexta Fransa Parîsê, 'xelat' da Hevşaredara Bajarê Mezin a Amedê ya dîlgirtî Gultan Kişanak.
• Gûterres: Sîstema kontrolkirina çekên navneteweyî hildiweşe! 

  Sekreterê Giştî yê NY’yê Antonîo Gûterres, diyar kir ku di mijara kontrolkirina çekan de, têgînên bingehîn ên sîstema navneteweyî li ber hilweşînê ye, banga parastina Peymana Hêzên Nukler ên Mezîla Navîn (INF) kir.
• NY li dijî gotinên dijminatiyê planekê amade dike 

  Sekreterê Giştî yê Neteweyên Yekbûyî Antonîo Gûterres diyar kir, li dijî gotinên dijminatiyê ku bi taybetî di pirsgirêkên mezin ên mîna koçberiyê de tên kirin, ew planeke têkoşînê amade dikin.
• Trûmp ûltîmatoma li ser Çînê rakir 

  Serokê DYE'yê Donald Trûmp, ji bo zêdekirina baca gumrukê ya li ser Çînê heta 1'ê Adarê wext dabû. Trûmp diyar kir ku di hevdîtinên navbera her du welatan de 'pêşketin' heye û bi vê yekê re dema eşkere kirbû, betal kir.
• Di hilbijartinên Moldovayê de Partiya Sosyalîst bi ser ket 

  Li komara Moldovayê ya li rojhilatê Ewropayê, di hilbijartinên giştî de Partiya Sosyalîst bi ser ket. Lê belê ji bo karibe bi tena serê xwe hikumetê ava bike, hejmara têrker a parlamenteran bi dest nexist.
• Rûniştinên Mafên Mirovan ên Neteweyên Yekbûyî dest pê kirin 

  40. Rûniştinên Mafên Mirovan ên Konseya Mafên Mirovan a Neteweyên Yekbûyî dest pê kirin. Kombûn wê 3 hefteyan bidome û binpêkirina mafên mirovan ên li gelek welatan wê werin nirxandin.
• Li Moskowayê Otonomiyên Kurd li hev civiyan 

  Li paytexta Rûsya Moskowayê civîna Rêveberiyên Otonomiyên Kurdan ên Neteweyî-Çandî pêk hat.
• Sakîne Cansiz li Konferansa Gelan a Navneteweyî hate bîranîn 

  Li Venezûelayê, di Konferansa Gelan a Navneteweyî de ku ji aliyê Tevgera Gundiyên Bêxak ve hate organîzekirin, Sakîne Cansiz hate bîranîn.
• Îranê fuzeya binavê ceriband 

  Rejîma Îranê ragihand, di çarçoveya tetbîqata leşkerî de ya li Kendava Hurmuzê, fuzeya seyrê bi rengekî 'serketî' ceribandine.
• Gelê Cezayîrê rabû ser piyan 

  Li Cezayîrê roja Şemiyê bi sedan hezar kes rabûn ser piyan û namzetiya pêncemîn a Bûteflîka ya Serokkomariyê meşiyan.
• Li Efganistanê par zêdeyî 3.800 sivîl mirin 

  Li gorî raporeke Neteweyên Yekbûyî, sala 2018'an li Efganistanê 3.804 sivîlan jiyana xwe ji dest dan.
• Washîngtonê sinyal da ku destwerdanê li Venezuelayê bike 

  Hêzên bi ser serokdewletê Veneuzelayê Nîcolas Madûro piştî ku konvoya alîkariya mirovan asteng kir, şer derket, 2 kes hatin kuştin û 300 kes birîndar bûn. Washîngtong got, ''em ê tevbigerin''.
• Li Îtalyayê ji ber ba û bahozê 4 kes mirin 

  Li navenda Îtalyayê ji ber ba û bahozê herî kêm 4 kes mirin, yek jê zarok e.
• Dawiyê ceza li şîrketa navdar a çekan a Elman hate birîn 

  Dawiyê dadgeheke Elman ceza li şîrketa Heckler & Koch birî ku çeka G-36'an ku ji Kurdistanê heta bi Nîkaraguayê ji bo gelek dewletên kujer pir biqedir e.
• Awûstralya wê milyarek dar biçîne 

  Awûstralya ku ji aliyê daristanan ve dewlemend e, ji bo emîsyona gaza serayê kêm bike dixwaze heta sala 2030'î milyarek dar biçîne.
• Li Katalonyayê grev: Rê hemû hatin girtin 

  Ji bo şermezarkirina doza ku li rêveberên Katalan ên serxwebûnparêz hatiye vekirin, xelkê Katalan danê sibehê daketin qadan û rê girtin.