Rejîma Îranê tevî hemû nerazîbûnên navnetewî girtiyên siyasî yên Kurd Ramîn Huseyîn Penahî, Zanyar Muradî û Loqman Muradî bi darve kirin.

Di navbera Hêzên Ewlehiya Navxwe ya Rêveberiya Xweser a bajarê Qamişlo yê Rojava û leşkerên rejîmê de şer derket, 13 leşkerên rejîmê hatin kuştin. Hate ragihandin di şer de endamekî Hêzên Ewlehiya Hundirin şehîd bûye.

Di êrîşa rejîma Îranê ya li dijî navenda PDK-Î û HDK’ê ya li navçeya Koyê ya Hewlêrê de 21 kesan jiyana xwe ji dest da.

Yek ji berpirsê payebilind ê DAÎŞ’ê Ebû Kerem ku YPG’ê ew girtiye agahiyên girîng dan. Ebû Kerem têkiliyên dewleta Tirk ên bi DAÎŞ’ê re vegotin û got, êrîşên li Ewropayê bi Tirkiyê re lihevkirî dihatin kirin.

Navenda Ragihandin û Çapemeniyê ya HPG’ê ragihand ku di çalakiyên hêzên wan yên li Colemêrg û Sêrtê de 18 leşkerên artêşa Tirk ên dagirker hatine kuştin.

Ji Konseya Rêveber a TEV-DEM’ê Aldar Xelîl ê di mîtînga li Dusseldorfê ya bi tevlîbûna bi hezaran Kurdistanî û dostên wan hate lidarxistin de axivî got: “Em soz didin ku Efrînê ji dagirkeran rizgar bikin.”

Dema ku Efrîn hate dagirkirin nekarîn ku derkevin. Li gel hevser û kurê xwe hatin desteserkirin. F.E hovîtiya artêşa Tirk û çeteyên wê, îxaneta ENKS’yiyan dît.

Hate ragihandin ku balefirên Rûsyayê  vê Şemiyê herêma Îdlîbê bomberdûman kir.