Li bajarê Ludwigsburg ê Elmanyayê bi pêşengiya ciwanan meşek hate lidarxistin û daxwaza azadiya fîzîkî ya Rêber Apo hate kirin.

Girseya gel li ber Hauptbahnhof ê Ludwigsburgê kom bû, piştî deqeyek rêzgirtina ji bo şehîdên azadiya Kurdistanê ber bi navenda bajêr ve meşiya.

Ciwanan posterên Rêber Apo û pankarta " Ji Ocalan re azadî" hilgirtin. Di çalakiyê de bal kişandin ser "mafê hêviyê" yê Rêber Apo û azadiya fîzîkî ya Rêber Apo xwestin.

Di axaftina li ser navê TCŞ'ê de hat gotin ku qedexeya li ser PKK'ê ya li Elmanyayê ciwanan krîmînalîze dike û divê were rakirin. Di daxuyaniyê de wiha hate gotin, "Qedexeya PKK'ê biryareke siyasî ye û ne ji ber gefên terorê, ji ber sedemên siyasî ye. Ev qedexe dibe sedema marjînalkirina mafên çandî, siyasî û civakî ya gelê Kurd ên li Elmanyayê dijîn. Nahêlin ciwan bi awayekî azad nasnameyêa xwe bijîn. Heta ku ev qedexe bê rakirin em ê têkoşîna xwe bidomînin."

Meş bi berzkirina dirûşmên "Bijî Serok Apo", "Jin, Jiyan, Azadî" û "Şehîd namirin" bi dawî bû.