Êrîşên artêşa Tirk a dagirker û çeteyên wê yên ji bo dagirkirina Efrînê ku 20'ê Çileyê dest pê kirin ev 20 roj in dewam dikin. Artêşa Tirk ku derbên giran ji QSD'ê dixwe, êrîşî sivîlan dike. Şer bi giranî li ser sînor diqewime.
Artêşa Tirk a dagirker gundên Omera, Ereb Wêran û Baflone ya Şera ya Efrînê bi top, hewan û obusan bomberdûman dike.
19:49Navenda Çapemeniyê ya YPG’ê dîmenên rûxandina wesayîta leşekerî ya artêşa Tirk a ji aliyê şervanên QSD’ê ve ya li gundê Şêxorzê ya navçeya Bilbilê weşand.
19:32
Artêşa Tirk a dagirker gundê Aşka Xerbî ya girêdayî herêma Cindirêsê topbaran dike. Hat ragihandin ku di encama topbaranê de sivîlên şehîd û birîndar hene.
19:23
MSD’ê, têkildarî bikaranîna çekên di qada navneteweyî de qedexe ya ji aliyê artêşa Tirk û çeteyên wê ve ye li Efrînê bikar tîne, daxuyaniyeke nivîskî da û bêdengiya civaka navneteweyî şermezar kir.
18:53
Cenazeyê 15 şervanên YPG-YPJ, hêzên asayîşê û şervanên Erka Xweparastinê yên di Berxwedana Serdemê de şehîd bibûn, li Şehîdgeha Şehîd Avesta Xabûr bi merasîmeke bi heybet ve hatin veşartin.
18:53
Ji bo azadiya Rêberê Gelê Kurd Abdullah Ocalan û şermezarkirina êrîşên li ser Efrînê 200 enternasyonalîstên ji 17 welatan ji Lûksembûrgê dane rê û wê biçin Strasbourgê.
17:35
Operasyona dewleta Tirk a dagirker ku di 20’ê Çileyê de dayî destpêkirin, rê li ber pirsgirêkên mezin vekirin.
17:18
16:37
YPG’ê wesayîta ku doçka li ser bû wisa îmha kir!
Şervanên YPG’ê îro li navçeya Şiyê ya Efrînê wesayît îmha kir a ku doçka li ser bû.
15:04
Şervanên QSD'ê wesayiteke dagirkerên Tirk a doçka li ser bû rûxandin
Li gundê Xelîl ê navçeya Şiyê ya Efrînê, şervanên Hêzên Sûriyeya Demokratîk (QSD) wesayiteke artêşa Tirk a dagirker û çeteyên wê ku doçka li ser bû rûxandin.
14:05
QSD: Êşkence li cenazeyan tê kirin, ev barbarî ye
Hêzên Sûriyeya Demokratîk (QSD) bi daxuyaniyekê ragihand ku dewleta Tirk a dagirker û çeteyên wê ku ji nava DAÎŞ û El Nûsra daye hev, êşkenceyê cenazeyên şervanên QSD'ê dikin.
12:16
Artêşa Tirk vê gavê bombeyan li navçeya Şiyê dibarîne
Li gorî agahiyên gihîştin ber dest, ji êvara Çarşemê û vir ve bi obus û çekên giran bombe li Şiyê tên barandin.
Li ser encama vê êrîşê agahî bi dest neket. Lê belê ji 20'ê Çileyê ve dewleta Tirk a dagirker bi taybetî êrîşî sivîlan û binesaziya Efrînê dike. Nêzî 150 sivîlan ji ber van êrîşan jiyana xwe ji dest dan, bi sedan xanî xera bûn û binesaziya bajêr zerar dît.
11:54
Li gundekî Raco şer giran e
Li gundê Kevirê Ker ê navçeya Raco ya kantona Efrînê, di navbera şervanên QS'ê û artêş-çeteyên dagirker de şerekî dijwar qewimî.
Li ser vî şerî ku hê dewam dike, agahî bi dest neket.
11:54
11:53
