23:13

Artêşa Tirk a dagirker gundê Sûsikê yê rojavayî bajarê Girê Spî topbaran dike.

22:14

Li derdorî gundê Xelîl ê girêdayî navçeya Mabatayê di navbera şervanê QSD’ê û artêşa Tirk a dagirker û çeteyên wê de şerê dijwar rû didin.

21:46

Li gelek navendên Fransayê Kurdistanî û dostên wan li ser banga TJK-E daketin kolanan û peyama‚ ‘Em rê nadin faşîzmê‘ dan.

21:45

Li paytexta Elmanya Belînê û bajarên Gîessen û Dortmundê bi banga TJK-E bi hezaran kes kombûn û bi diruşmên “Her cih Efrîn e, her cih berxwedane ” meşek lidar xistin.

21:44

Li Baselê deh hezar mirov ji bo Efrînê meşiyan û peyama “Efrîn ne bi tenê ye“ dan. Li Kantona Swîsre Bellîzona jî çalakiyeke girseyî pêk hat. Li Kantona Belîzona a Swêdê jî çalakiyeke girseyî hate lidarxistin.

21:42

Li paytext Stockholm a Swêd û paytexta Danîmarka Kopenhag û bajarên Odensee û Horsens bi hezaran kesên daketin kolanan bi yek dengî dirûşma “Her cih Efrîn e, her cih berxwedan e” qîr kirin.

21:22

Di topbarana artêşa Tirk a dagirker a li ser gundê Çeqela ya girêdayî navçeya Şiye ya Efrînê de, 2 sivîl birîndar bûn.

20:20

Me ji bo we bûyerên roja 15’emîn a Berxwedana Serdemê ya li Efrînê, têkoşina QSD’ê ya li hember artêşa Tirk û çeteyên wê berhev kirin.

 

17:12

Şervanên QSD’ê li Efrînê tankeke din a artêşa Tirk a dagirker îmha kirin. ANHA’yê dîmenê tankê weşand a ku hatiye rûxandin.

 

17:07

Navenda Çapemeniyê ya QSD′ê bîlançoya operasyonên leşkerî yên 3′yê Sibatê eşkere kir.

 

17:06

Li Efrînê bi tevlîbûna hezaran welatiyan cenazeyê 23 şehîdên Berxwedana Serdemê ya Efrînê bi merasîmeke heybet ve spartin axê.

16:30

TEV-DEM’ê bi daxuyaniyekê hovîtiya leşkerên Tirk û çeteyê wê li ser cenazeyê şervana YPJ’ê bi tundî şermezar kir û got: “Dawiya van çeteyan wê bi destê lehengên Efrînê be.”

 

16:06

Navenda Çapemeniya YPJ’ê, îro dîmenê teqandina tanak artêşa Tirk a li gundê Ebidanê ya girêdayî navçeya Bilbil a Efrînê parve kir.

 

14:30

Li navçeya Şerayê kepçeya bi zirx a artêşa Tirk a dagirker a ku çeper dikola ji aliyê şervanên QSD’ê ve hate îmhakirin.

14:18

QSD: Em ê dagirkeran ji hemû niqteyên ku ketinê paqij bikin

Fermandariya QSD’ê ya Efrînê derbarê êrîş û şerê 15 rojan daxuyanî da û got, hêzên dagirker li gel hemû teknîka pêşketî jî nekarîne ku bi pêş ve biçin.

 

14:00

Li gorî nûçeya ANHA'yê artêşa dagirker a Tirkiyeyê topan diavêje navçeya Raco ya Efrînê.

14:00

Li gorî nûçeya ANHA'yê artêşa Tirk a dagirker navçeya Reco ya Efrînê topbaran dike.

13:09

Li Bilbilê 5 endamên TC-OSO-DAÎŞ’ê hatin kuştin

Li gundê Elî Kera ya navçeya Bilbilê ya Efrînê şerê dijwar didome. Di şer de 5 endamên dagirker hatin kuştin û 6 ji wan birîndar bûn.

 

12:31

Li Bilbilê şer giran e: Kuştî û birîndar hene

Li gundê Elî Kera û Bukê yê girêdayî navçeya Bilbilê ya Efrînê di navbera şervanên QSD û hêzên dagirker de şerekî dijwar diqewime.

 

12:19

Şervanên QSD’ê li Ezazê li dagirkeran xist

Navenda Ragihandinê ya YPG’ê dîmenên çalakiya şervanên QSD’ê ya li Ezazê li dijî hêzên dagirker par ve kir.

 

11:32

Li dijî dagirkeran çalakiya sabotajê: 3 wesait û yên tê de hatin îmhakirin
Berxwedaniya QSD’ê ya li  dijî êrîşên dagirker ên dewleta Tirk û çeteyên wê kete roja 15’an. QSD şevê dî bersiveke xurt da êrîşên bi obûs û balafiran, 3 wesayit rûxandin û gelek leşker û çete hatin kuştin.

 

11:17

Li Şiyê û Cindirêsê bomberdûman

Artêşa dagirker a Tirk û çeteyên OSO yên ku ji ber DAÎŞ û Nûsra mane, Hecî Hunsa û ‘Şehîdgeha Şehîd Seydo’ a li Cindirêsê bombe dike.

 

11:06

Balafirên şer bombeyan li Meydana û Recoyê dibarîne-NÛ BÛ

Artêşa Tirk a dagiker navçeya Reco û gundê Bilika yê navçeya Meydana ya Efrînê bombe dike.