Gerîlayên HPG'ê li herêma Sidekan a Başûrê Kurdistanê û Çelê mewziyên hêzên dagirker ên Tirk kirin hedefa xwe. Hate ragihandin bi kêmanî 18 leşker hatine kuştin.

Ji Fermandarên Biryargeha Navenda Parastina Gel (NPG) Bahoz Erdal got, êrîşa herî giran a dewleta Tirk a li dijî civakê şerê taybet e û bang li malbatên Kurd kir ku hay ji vê rastiyê hebin.

Çeteyên DAÎŞ'ê ên li Hecînê êrîş birin ser çeperên şervanên QSD'ê. Şervanan bersiva êrîşan dan.

18’emîn Civata Giştî ya KNK’ê li bajarê Baarlo yê Hollandayê tê lidarxistin. Civîn wê sê rojan bidome, ji Kurdistan û Ewropayê bi sedan delege beşdarî civînê bûne.

Hevserokê KCK'ê Cemîl Bayik peyamek ji Desteya Giştî ya 18'an a KNK'ê re şand. Bayik bal kişande ser giringiya yekîtiya navxwe ya Kurd û got, ''KNK li çar parçeyan û li derveyî welat divê bigihije asta wê rrêxistiniya ku bang li milyonan bike''.

Serokkomarê Fransayê Emmaûel Macron û Serokê DYA'yê Donald Trûmp beriya civîna bilind a li ser Sûriyeyê ku wê roja Şemiyê li Stenbolê pêk were, ji bo helwesteke hevpar nîşan bidin, bi hev re axivîn.

Li gelek herêmên Kurdistanê baraneke xurt dibare. Li gundên Qendîlê gelek xanî û pir hilweşiyan. Li Amedê kesek mir. Li Geverê du gund hatin valakirin.

Li peravên girava Zante ya Yewnanîstanê bi şîdeta 6.8 pileyî erd hejiya.