Êrîşên hovane yên dewleta Tirk ên li ser Efrînê di roja 37'an de ne. Hêzên dagirker bombeyan li cih û warê sivîlan dibarînin. Şerê li eniyê jî girantir dibe. Hûn dikarin rewşa dawî ji bloga me ya zindî bişopînin.
22:30
Artêşa Tirk a dagirker li Efrînê êrîşên li dijî jîngehên sivîlan didomîne. Dewleta Tirk li gundê Hec Xelîl yê navçeya Racoyê topbaran kir. Yek ji topên dewleta Tirk a dagirker li mala Şukrî Cehîka yê 60 salî ket û Şukrî Cehîka bi giranî birîndar bû.
22:16
Navenda Çapemeniyê ya YPG’ê dîmenê çalakiya îro weşand a ku li gundê Hecîlera ya Cindirêsê ya Efrînê hatibû kirin. Di vê çalakiyê de 8 leşkerên artêşa Tirk a dagirker û çete hatibûn kuştin.
Şervanên YPG/YPJ′ê li gundê Hecîlerê yê girêdayî herêma Cindirêsê li dijî dagirkeran çalakî li dar xistin. Di encamê de 8 çete û leşkerên Tirk hatin kuştin. #Afrin 25 Sibat pic.twitter.com/Xi1BELffrv
— YPG Rojava (@YekineParastin) February 25, 2018
22:15
Balefirên şer ên arrtêşa Tirk a dagirker di van kêliyan de navenda navçeya Şiyê û derdora wê bombebaran dikin-ANHA
21:24
Balefirên şer ên artêşa Tirk gundê Hesendêra yê Racoyê bomberdûman kir.
20:53
Di encama bombebarana balafirên Tirk a li ser herêma Racoyê de, du şervanên Qiwat Şebiye yên girêdayî Artêşa Sûriyê jiyana xwe ji dest dan, 3 şervan jî birîndar bûn.
20:53
Di encama bombebarana balafirên Tirk a li ser herêma Racoyê de, du şervanên Qiwat Şebiye yên girêdayî Artêşa Sûriyê jiyana xwe ji dest dan, 3 şervan jî birîndar bûn.
20:07
Navenda Ragihandinê ya Hêzên Asayîşê bi daxuyaniyekê nasnameya 3 endamên xwe eşkere kir yên ku di Berxwedana Serdemê de şehîd bûbûn.
18:58
Navenda Çapemeniyê ya QSD’ê diyar kir ku di 24 saetên dawîn de li Efrînê bi kêmanî 44 leşkerên Tirk hatin kuştin û 2 wesayîtên dagirkeran jî hatin îmhakirin.
18:34
Şervanên YPG/YPJ′ê li gundê Hecîlerê yê girêdayî herêma Cindirêsê li dijî dagirkeran çalakî li dar xistin.
Di encamê de 8 çete û leşkerên Tirk hatin kuştin.
16:42
Balefirên şer ên artêşa Tirk a dagirker bombeyan li gundê Hesen Dêra ya navçeya Meydankê dibarîne. Di bombebaranê de jîngehên sivîlan tê hedefkirin.
Tevgera balefiran a li herêmê dewam dike.
16:40
Cenazeyê 18 şehîdên ‘Berxwesadana Serdemê’ spartin axê
Bi hezaran welatiyên Bakurê Sûriyeyê cenazeyê 18 şehîdên ‘Berxwedana Serdemê’ bi merasimekê bi heybet li Goristana Şehîd Avesta Xabûr spartin axê.
16:36
Êrîşên li dijî Efrînê di roja 37’emîn de didome. Li gorî agahiyan artêşa Tirk a dagirker û çeteyên wê topan diavêjin navenda Cindirêsê û gundên wê.
Di heman demê de li gundê Meydan Ekbes di navbera şervanên QSD’ê û artêşa dagirker a Tirkiyeyê şerekî giran heye.
Ji aliyê din de derdora gundê Naza yê girêdayî bajaroja Meydankê ya Şerayê jî aliyê balefirên şer ên Tirkiyeyê tê bomberdûmankirin.
16:36
QSD’ê di daxuyaniyê de diyar kir ku dewleta Tirk hovîtiya DAÎŞ’ê derbas kiriye û têkildarî êrîşên wê yên li ser sîvîlan banga lêpirsinê li saziyên peywendîdar kir.
Daxuyaniya QSD’ê wiha ye;
“Beriya du rojan di 22’ê Sibata 2018’an de karwanekî welatiyên sivîl ên herêmên Bakurê Sûriyeyê ji hemû pêkhateyan derbasî Efrînê bûn, da ku piştgiriya berxwedana serdemê bikin û hovîtiya terorê şermezar bikin.
Lê dewleta Tirk û komên çete yên girêdayî wê li rex hemû dîmenên kuştin û lîstina bi cenazeyên sivîlan bi xwîneke sar, nikaribûn xwe li hemberî vê hevgirtina welatiyan ragirin. Tevî vê yekê welatiyan bi israr berê xwe dan Efrînê û dewleta Tirk û komên çete yên girêdayî wê karwan bi awayekî rasterast topbaran kir û di encamê de ciwanek şehîd bû û 12 welatiyên din jî birîndar bûn.
Weke her car dewleta Tirk hewl dide rastiyan berevajî bike û rayedarên wê derketin ser ekranên dezgehên çapemeniyê û îdîa kirin ku ev karwanê welatiyan, karwanekî çekdar e. Ev îddîa li ser zimanê serokê Tirkiyeyê û serokê artêşa Tirkiyeyê hate belavkirin.
Em bang li raya giştî, sazî û rêxistinên peywendîdar dikin ku lêpirsînekê di derbarê vê sûcdariya Tirkiyeyê de pêk bînin. Em weke QSD’ê amade ne, di xebatên lêpirsînê de alîkar bin.”
14:45
14:35
13:11
YPG'ê dîmenê çalakiya li Ezazê weşand
Şervanên YPG û YPJ‘ê şevê din li derdora gundê Merîn ê Ezazê çalakiyeke li dar xistin. Di encamê de hejmarek ji leşkerên artêşa Tirk a dagirker û çeteyên wê hatin kuştin.
Navenda Ragihandinê ya YPG'ê dîmenê çalakiyê weşand.
12:44
12:16
11:19
Balafirên şer ên dewleta Tirk a dagirker, duh bi şev bombe li gelek herêmên Efrînê barandin. Li ser encama van êrîşan agahiyeke zelal bi dest neket.
11:18
11:18
11:18
11:17
