Şêniyên kantona Minbicê li pêşiya baregeha Rûsyayê ya li bajarokê Erîme yê rojavayê kantona Minbicê protestoyek li dar xist.

Hevseroka Meclisa Gelan a kantona Minbicê Sîham Hemo di çalakiyê de axivî û got: "Ji bo ku em dengê xwe ragihînin cîhanê û Rûsyayê. Em ji wan dixwazin ku bêdeng nemînin. Ger bêdengiya xwe domandin, wê demê ew berpirsên sûcên li dijî sivîlan û zarokan tên kirin."

Pişte şandeyeke beşdarên çalakiyê derbasî baregeha Rûsyayê bû. Şande ji hevseroka Meclisa Gelan, gelek şênî û rûspiyên Minbicê pêk hat. Şandeyê bi navê şêniyên herêmê peyamek radestî rayedarên Rûsyayê kir û bang li wan kir ku wek dabînker, êrîşên li dijî herêmê rawestînin.

Efserên Rûsyayê şande pêşwazî kir û peyam ji şandeyê wergirt.

Piştî ku şande ji baregehê derket, hevseroka Meclisa Gelan a Demokratîk Sîham Hemo axivî û got: "Hêzên Rûsyayê ji malbatên şehîdan re sersaxî xwest û got dê banga rawestandina êrişan bikin."

REQA

Nivîsgeha Zarokan a Desteya Jinan a Meclisa Rêveber a kantona Reqayê li pêşiya avahiya meclisê daxuyaniyek da. Cîgira seroka Desteya Jinan Fatme El Kirdî daxuyanî xwend.

Her wiha Meclisa Jinan a Giştî ya Partiya Sûriye Pêşerojê daxuyaniyek li pêşiya avahiya xwe xwend. Berdevka meclisê Fatme El Elî daxuyanî xwend.

Di her du daxuyanian de êrîşên dewleta Tirk a dagirker ên li dijî herêmê hatine şermezarkirin û hate diyarkirin ku ew êrîş li dijî qanûn û peymanên navneteweyî ne.

Di daxuyaniyan de hate gotin gelê herêmê dev ji hevgirtinê bernade ji ber ku bingeha serkeftinê û têkbirina komployên li dijî wan dibînin.

Her wiha bang li NY, hêzên navneteweyî û rêxisitnên mafên mirovan, hêzên demorkatîk û azadîxwazan hate kirin ku piştgiriya gelê herêmên Bakur û Rojhilatê Sûriyeyê bikin û ji bo rawestandina êrîş û komkujiyên li dijî zarok û sivîlan, helwesteke cidî nîşan bidin.