Cenazeyê şervanê Hêzên Sûriya Demokratîk (QSD) Fecir El Esaf yê di 26'ê Tîrmehê de li Dêrazorê şehîd bibû, bi merasîmekê li Goristana Şehîd Dijwar a li gundê Dawidiyê hat veşartin. Şêniyên bajarê Hesekê û gundên wê tevlî merasîmê bûn.

Di merasîmê de li ser navê Meclîsa Malbatên Şehîdan endamê meclîsê Mustefa Osman axivî û got: “Şehîd lehengên efsanewiyê ne û wan tevahî herêmên Bakur û Rojhilatê Sûriyeyê ji dagirkeriyê parastin.”

Ji fermandarên Meclîsa Leşkerî ya Hesekê Şoreş Hesekê jî axivî û got: “Heta rizgarkirina tevahî herêmên dagikirî em ê li ser şopa şehîdan têkoşînê geş bikin.”

Piştre endama Meclîsa Malbatên Şehîdan wesîqeya şehadetê ya şehîd Fecir El Esaf xwend û radestî malbata wî kir.

Şehîd Fecir bi tilîliyên dayikan li Goristana Şehîd Dijwar a gundê Dawidiyê hat veşartin.