Li paytexta Belçîka Brukselê, sibê bi mijara Kobanê li Parlamenta Ewropayê (PE) konferansek tê lidarxistin. Di konferansê de Hevserokê PYD’ê Salîh Muslim jî di nav de wê gelek kes biaxivin.

Li paytexta Belçîka Brukselê, li Parlamenta Ewropayê wê di 4’ê Mijdarê de konferansek bi mijara Kobanê were lidarxistin. Koneransa bi pêşengiya Koma Dostaniya Kurd a Parlamenta Ewropayê pêk tê de wê êrîşên DAIŞ’ê yên li hemberî Kobanê û bandora vê ya herêmî bê nirxandin.

Konferans wê li salona Paul-Henrî Spaad a Parlamenta Ewropayê piştî nîvro destpê bike. Endamên Parlamenta Ewropayê Gabrîele Zîmmer, Bart Staes, Bodîl Ceballos, endamê rêveberiya KNK’ê Adem Uzun, Akademîsyenê Rojhilatê Kurdistanê Dr. Kamran Matîn û Hevserokê PYD’ê Salîh Muslim dê tevlî bibe. Di konferansê de êrîşên DAIŞ’ê û nêzîkatiya cîhanê wê bên nîqaşkirin.

Bernameya konferansê wiha ye: 

Saet 15:30-16:15
Axaftinên vekirinê
Endama PE Gabrîelle Zîmmer,
Endamê PE Bart Staes
Endamê Konseya Rêvebera KNK’ê Adem Uzun

16:30-18:00
Moderator
Endama PE Marie-Christine Vergiat
Axaftvan
Endama PE’ê Bodil Ceballos – Kobanê ya di bin dagirkeriyê de ye û sedemên wê
Akademîsyen Kamran Matîn– Berpirsyariya saziyên navneteweyî û berpirsyarî û rola Tirkiyeyê.
Hevserokê PYD’ê Salîh Muslim- Rêya çareseriyê
Bi axaftvanan re nîqaş û pirs