Kurdistaniyên di saetên serê sibê de hatin qada mihrîcanê kon vedan û heta saetên êvarê bi coşeke mezin Newroz pîroz kirin.

Parlamenterê Partiya Karkeran a Federal Peter Khalîl û Parlamentera Partiya Keskan Samantha Ratnam li ser girîngiya Newrozê axaftin kirin. Piştre Koma Folklorê ya Navkurê performansa govendê pêşekêş kir. Di çalakiyê de koma dansê ya gel a Rûsyayê jî derket ser dikê.

Yek ji cihên herî bal kişand konê Done Bagdaş bû. Done Bagdaş di bin kon de bi çêkirina tev û xalîçeyê çanda kevnar a Kurdan zindî dihêle.

Coşa mihrîcanê bi konsera Zozan Nûdem Newroz gihîşt lûtkeyê. Mihrîcan bi gerandina govenda li dora agirê Newrozê bi dawî bû.