Endamên Tevgera Ciwanên Şoreşger (TCŞ) li bajarê Bern ê Swîsreyê di çarçoveya pêngava "Ji Rêber Apo re azadî, ji pirsgirêka Kurd re çareseriya siyasî” li avahiya rojnameya herêmî ya Swîsreyê çalakî li dar xistin.
Endamên TCŞ'ê yên ketin avahiya 20 Mînute û Barn Zeitung daxwaza azadiya Rêber Apo kirin û bal kişandin ser êrîşên dewleta Tirk a dagirker ên li ser Rojava.
Endamên TCŞ'ê dosyaya têkildarî tecrîda li ser Rêber Apo û pergala qirkirina Îmraliyê radestî edîtorê rojnameyê kirin.
Ciwanan dirûşmên "Bijî Serok Apo" û "Es lebe Ocalan" berz kirin û dawiyê daxuyanî dan çapemeniyê.
Di daxuyaniya çapemeniyê de bal kişandin ser hevdîtina di 23’yê Cotmehê de di navbera Rêber Apo û biraziyê wî Omer Ocalan de û gotina Rêber Apo “tecrîd hey” hat bibîrxistin. Ciwanan banga têkoşînê ji bo azadiya fîzîkî ya Rêber Apo kirin.
Di daxuyaniyê de pêla nû ya êrîşên dewleta Tirk a dagirker ên ji 23’yê Cotmehê û vir ve li ser Bakur û Rojhilatê Sûriyeyê tên kirin hat şermezarkirin.
