Di meha Gulanê di serî de li Qazaxistanê û li seranserê herêmê germahî gihîşt 40°C. Pispor diyar kirin ev yek bi awayekî vekirî bandorê li krîza avhewayê dike.

Tomarkirina pêla germahiyê li pey yek hat:

- Germahiya li paytexta Kirgizistan Bîşkekê gihîşt 37.1°C û ev jî ji bo meha Gulanê bû rekorek.

Her çiqas gelek bajarên Ozbekistanê di meha Nîsanê de rekorên germahiyê şikandin jî, paytext Taşkent di meha Gulanê de nêzî rekoreke nû bû.

-  Li paytexta Tirkmenistan Aşgabatê germahiya herî bilind a ku di meha Nîsanê de ji sala 1891’an vir ve hatiye pîvandin 40°C ye.

- Zivistana Qazaxistanê 2.7 pile germtir derbas bû û niha li 11 herêman hişyariya ziwabûnê hatiye kirin.

- Her çiqasî li Tacîkistanê jî germahiyên neasayî hatyin çavdêrîkirin jî daneyên berfireh nehatin ragihandin.

DI 30 SALAN DE NÊZÎ 1,5°C ZÊDE BÛ

Li gorî daneyên Fona Pereyan a Navneteweyî (IMF), germahiya li Asyaya Navîn di 30 salên dawî de 1,5°C zêde bûye. Ev rewş 2 caran ji ya gerdûnê zêdetir e. Herêma ku ji dûrî deryayê ye û çol û deşt e, ava wê pir kêm e. 

Pispor hişyar dikin ku krîza avhewayê dê bandorên cidî li ser çandinî, çavkaniyên avê û tenduristiya mirovên Asyaya Navîn bike. Zêdebûna germahiyê nîşaneya ku wê havînê bi karesatên mezintir rû bi rû bimînine.