Li paytexta Danîmarka Kopenhagenê, ji bo pêşengên gelê Kurd ên li paytexta Fransa Parîsê hatin qetilkirin çelenga reş danîn pêşiya Konsolosxaneya Fransayê.

Çalakî bi pêşengiya Meclîsa Jinên Kurd a li Kopenhagê xebat dike, hat lidarxistin. Di çalakiyê de daneza bi nivîsa “Kujer diyar in û Fransa bêdeng e. Bêdengiya li hemberî komkujiyê, şirîkatî ye” jî danîn.

Di daxuyaniya çalakiyê de wiha hate gotin: “Hevalên me Sara, Rojbîn û Ronahî nûnerên jinên azad bûn. Dewleta Tirk a faşîst ji bo şikandina îradeya jinên Kurd li Ewropa û Kurdistanê serî li her curê suîqest û komkujiyan dide. Ev zîhniyeta faşîst a ku li hemberî jinên ku li dijî serweriya mêr serî hildidin, tirsiyan û hewl dide wan bi awayekî fîzîkî ji holê rake, wê di dawiyê de hilweşe. Sara, Rojbîn û Ronahî nûnerên jinên azad e. Em ê ala ku ew hiştine bilindtir bikin, bidin pey şopa wan û wan di têkoşîna xwe ya şoreşgerî de bidin jiyîn.”