Nobeta Azadiyê ya ji bo azadiya Rêber Apo 12 sal in li bajarê Strasbourg ê Fransayê bi biryardarî dewam dike, keta hefteya xwe ya 644’an.

Vê hefteyê koma ji bajarê Luzern ê Swîsreyê hat nobetê dewr girt. Di komê de Fîkret Çoktaşan, Koçer Aydin û Sînan Ahmed cih digirin.

Li ser navê komê Fîkret Çoktaşan axivî û di serî de Rêber Apo gerîlayên li çiyayan li ber xwe didin, girtî û gelê Kurd ên li ber xwe didin silav kir. Çoktaşan diyar kir ku ew ji bo şermezarkirina tecrîda li ser Rêber Apo ji Luzernê hatine vir û wiha got: “Em ji Konseya Ewropayê û CPT (Komîteya Pêşîlêgirtina Êşkenceyê ya Ewropayê) daxwaz dikin ku rolên xwe bi cih bînin. Dewletên navneteweyî û dewleta Tirk dixwaze di şexsê Rêbertiyê de gelê Kurd tecrîd bike û tune bike. Em jî weke gelê Kurd û dostên wan dixwazin li dora Rêbertî bicivin û di şexsê Rêbertî de gelê Kurd û hemû gelên bindest azad bikin.”