Navenda Ragihandin û Çapemeniya Hêzên Sûriya Demokratîk (QSD) bi daxuyaniyekê ragihand ku di encama êrîşa şaneyeke çeteyên DAÎŞ’ê ya li dijî nuqteyeke leşkerî ya li bajarokê El Behra yê Hecînê yê li gundê rojhilatê Dêrazorê de şervanekî wan şehîd bû û yek jî birîndar bû.

QSD’ê diyar kir ku ev êrîş balê dikişîne ser astengiyên ewlehî yên berdewam û got: “Têkoşîna me ya li dijî terorê didome û em parastina ewlehî û aramiya herêmên Bakur û Rojhilatê Sûriyeyê dikin.”

Di berdewama daxuyaniyê de QSD’ê diyar kir ku ew ê serdegirtina bermahiyên DAÎŞ’ê dewam bikin, her wiha banga xurtkirina hevkariyê bi civakên xwecih re kir, ku destkeftiyên bi saya fedakariyên şervanên wan hatine pêkanîn biparêzin û wê heta têkbirina şaneyan û ziwakirina jêderên gefên wan operasyonên xwe li dijî terorê bidomînin.

QSD’ê diyar kir ku ew ji bo parastina herêmên di bin kontrola xwe de xebatên xwe zêde kirine û ji bo rûbirûbûna her hewldaneke têkbirina ewlehî û aramiya li herêmê her tim amade ne.