Ciwanên enternasyonalîst ên li bajarê Torîno yê Îtalyayê ji bo azadiya fîzîkî ya Rêber Apo daketin qadan. Di çalakiyê de êrîşên dagirkeriyê yên dewleta Tirk a faşîst ên li ser Rojava û Şengalê jî hatin protestokirin.

Di çalakiyê de flamayên Rêber Apo, ala mezin a TEV-DEM’ê û pankart hatin vekirin. Bi boyaxa sprey portreya Rêber Apo, li ser dîwar hate çêkirin û nivîsa ‘Liberta per Ocalan’ (Ji Ocalan re azadî) hate nivîsandin.

Li ber avahiya nûçeyan a navendî, navber hat dayîna meşê û jinên ciwan ên enternasyonalîst li ser rola medyayê axivîn. Di daxuyaniya hatî dayîn de, hate diyarkirin ku yên êrîşên dewleta Tirk û Îsraîlê nadin çapemeniyê, di destê wan de xwîna gelê Kurd û Fîlîstînê heye.

Di daxuyaniyê de hate destnîşankirin ku rola febrîqeya çekan Leonaro ya li Torînoyê, di van êrîşan de heye û wiha hate gotin: “Ji bo gelên bindest ji dervey azadiya Rêber Apo, ti çareseriyeke din nîne. Armanca destpêkê ya ciwanên navneteweyî, şikandina tecrîda li ser Rêber Apo û mîsogerkirina azadiya wî ya fîzîkî ye.”

Çalakvanan belavokên ku hevkariya seroka dewleta Îtalyayê Giorgiya Melonî û Erdogan teşhîr dikin, bi dîwaran ve zeliqandin.

Di çalakiyê de dirûşmeyên “Bijî Serok Apo”, “Bijî PKK”, “Bijî Berxwedana Rojava”, “Jin Jiyan Azadî” û “Şehîd Namirin” hatin berzkirin.