Bi armanca balê bikişînin ser greva birçîbûnê ya li girtîgehên Tirkiye ku bi armanca rakirina tecrîda li ser Rêberê Gelê Kurd Abdullha Ocalan li bajarê Solothûrn a Swîsreyê çalakiyek hate kirin.

Li ser banga Navenda Civaka Kurd a Demokratîk (CDK-Solothûrn) li pêşiya stasyona trenê ya navendê bi tevlîbûna Kurdistaniyan mîtîngek hate kirin.

Di mîtîngê de pankarta bi nivîsa ‘Em rê nadin te tecrîd, faşîzim û dagirkeriyê, dem dema azadiyê ye’ û dowîzên ‘Tecrîd sûcekî mirovahiyê ye’, ‘Girtiyên siyasî rûmeta me ne’ posterên Rêberê Gelê Kurd Abdullah Ocalan û alên PKK’ê hildan.

Bê navber dirûşmên ‘Girtiyên siyasî rûmeta me ne’, ‘Ji êşkenceya tecrîdê re na, niha dema azadiyê ye’, ‘Bijî piştevaniya enternasyonalîst’ û ‘Bijî Serok Apo’ qîr kirin.

Li ser navê NCK-Solothûrnê Huseyîn Kaya axivî.

Kaya bal kişand ser greva biçîbûnê ya ji bo rakirina tecrîda li ser Rêberê Gelê Kurd Abdullah Ocalan hatiye destpêkirin û got: “Li zindanên Tirkiye girtiyên siyasî ji bo dawîkirina sîstema êşkenceyê ya li Îmralî, êrîşên qirkirina siyasî ya faşîzma AKP-MHP’ê ketine grevê. Ji bo bidawîkirina êşkenceya tecrîdê ya li Îmralî û xwedîderketina li berxwedêrên girtî em ê li qadan bin.”

Piştî axaftinan û şûnde çalakî bi dirûşman bi dawî bû.