Çalakiya protestoyî Şemiyê çêbû. Tevgera hawîrdorparêz ji bo ku rola sinayiya otomobîlê ya li ser guherîna avûhewayê protesto bike Hêwana Otomobîlê kiribûn hedefa xwe.

Berdevkê berê yê tevgerê û endamê tevgerê Chrîstophe Meîerhand got wan sektora otomobîlê kiriye hedef û diyar kir, ev sektor, ''ji bo ku zêdetir wesayitan bifiroşe derewan dike''. Polîsan êrîş bire ser çalakgeran û 185 kes destgîr kirin.

Çalakgerekî ku rûyê xwe bi rengê reş girtî got,''Shell dikuje'' û li ber standa şîrketa petrolê xwe dirêj kir. Hin çalakgerên din jî bi maskeyên logoyên şîrketan li dora çalakger kom bûn. Her wiha çalakgeran boyax avêtin ser otomobîlekê û dirûşm li ser nivisîn.

Tê payin ku di nav 10 rojan de 500 hezar kes biçe fuara otomobîlan a herî girîng a Belçîkayê.