Baranê bandora herî giran li herêmên navendî yên welêt kir. Li gorî televîzyona cemaweriyê herî kêm 21 kes mirin. Di karesata lehiyê de ya destpêka meha Tîrmehê rû da zêdeyî 300 kes miribûn.

Wîlayeta Hûbeî ku bi hezar kîlometreyî li rojavayê Şangayê ye, ji roja Çarşemê ve di bin bandora barana zêde de ye. Bi taybetî li bajarê Yîchengê rojê zêdeyî 400 mîlîmetreyî baran bariya. Ev yek asta rekorê ye.

Ji dîmenên ku li televîzyonan hate weşandin tê dîtin ku bajar di nava avê de maye.

Li Hûbeiyê ji ber baranê erd şemitî û bi sedan mal hilweşiyan, 6 hezar mirov jî hatin veguhastin.

Li bajarê Sûîzhoûyê ku bi 140 kîlometreyî li rojhilatê Yîchengê ye, li hin deveran av bi qasî 3 metreyan bilind bû. Şêniyên bajêr ragihandin ku 20-30 sal in bi vî rengî baran nebariya ye.

Servîsa meteorolojiyê ya Çînê ragihand ku ew li bendê ne vê Înê li herêmên başûr rojava û rojhilatê Şangayê baran bibare.