Serokwezîrê Sûriyeyê Îmad Xemîs ê Tehran ziyaret kir, bi Alîkarê Serokdewletê Îranê Îshaq Cîhangîr re rûnişt.

Di encama hevdîtinê de, di mijarên aboriyê de 5 belgeyên cuda di navbera her du welatan de hatin îmzekirin. Tê gotin, Sûriyeyê rêvebirina 5 projeyên navborî radestî Îranê kiriye. Li gorî peymanê, erdê çandiniyê yê ji 5 hezar hektarî, Madena Fosfat a El Şerqiye û erdê ji 100 hezar hektarî ji bo avakirina termînala petrol û gazê radestî Îranê werin kirin. Di heman demê de wê belgeya destûrê ya operatora GSM'ê û  projeya Besîcîtiyê dewrî Îranê bê kirin.

Ajansa nûçeyan a Fars piştrast kir, ku Sûriye û Îranê 5 belgeyên hevkariyê îmze kirine.