Talîbanê sibeha Înê bajarê Leşkergahê yê li başûrê Efganistanê bi dest xist. Piştî ku destûr hate dayin leşker û rêveberên saziyên îdarî bajêr biterikînin, hate ragihandin ku bajar hatiye bidestxistin.

Sibeha Înê her wiha paytexta wîlayeta Gur a li navenda welêt Çagçaran jî bêyî berxwedan bê kirin ketibû bin kontrola Talîbanê.

Şeva Pêncşemê duyemîn mezintirîn bajarê welêt Kandahar jî ket. Heman rojê sêyemîn bajarê mezin Herat û û bajarê Gaznî yê bi 150 kîlometreyî li başûrrojavayê Kabûlê ye, kete destê Talîbanê.

Di rewşa heyî de tenê Kabûl, Mezar-i Şerîf û Celalabad ê li rojhilatê welêt di destê hikumetê de mane.

Talîbanê di nava heyşt rojî de nêzî nîvê 34 wîlayetan kontrol kir. Bİ taybetî wîlayetên li bakur, rojava û başûr ketin.

Ji meha Gulanê dema destpêkirina vekişîna hêzên DYE'yê û vir ve Talîban ji her alî ve êriş dike. Hêzên hikumetê nikarin li ber bisekinin. Hin bajar bêyî ku şer lê biqewime teslîm bûn.

Li ser vê yekê Washîngtonê nîvê şevê ji bo veguhastina dîplomatan û welatiyên Emerîkî 3 hezar leşker li balafirgeha Kabûlê bi cih kir. Londonê jî bi heman armancê 600 leşker bi cih kir.