Navenda Ragihandin û Çapemeniya Hêzên Sûriyeya Demokratîk (QSD) bi daxuyaniyekê nivskî nasnameya 3 şervanên xwe eşkere kir.

Daxuyaniya QSD′ê wiha ye:

”Îlona borî, di êrîşên çeteyên rejîma Sûriyeyê yên li ser gundewarê Dêrazorê de 3 şervanên me birîndar bibûn. Şervanên birîndar ji bo nexweşxaneyê hat veguhestin. Piştî rêwîtiya dermankirinê ku derdora 3 mehan dewam kir, şervanên me Ehmed Efrîn (Ehmed Silêman), Mervan Kobanê (Mehmûd El Oso) û Mîlîtan Kobanê (Hecî Xelîl) ji ber birîna wan a giran şehîd bûn.

Têkoşîna hêzên me Hêzên Sûriyeya Demokratîk a ji bo têkbirina tevahî êrîşên li ser herêmên me berdewam e. Şervanên me li hemberî tevahî êrîşên li ser herêmên me kedeke mezin nîşan didin.

Her sê şervanên me berxwedaneke mezin li hemberî çeteyên rejîmê nîşan da û her tim li refên pêşîn bûn. Her sê şervanên me mîna ku şerê li dijî rêxistina DAÎŞ a terorîst de kirine, di tevahî şeran de nimuniyeke xweşik a fedakariyê nîşan da. Hevreyê me Ehmed Efrîn di destpêkê de tevlî refên hêzên me bû û beşdarî Berxwedana Serdemê ya li dijî dewleta Tirk a dagirker bû. Hevreyê me Mervan Kobanê jî tevî ku nû tevlî refên hêzên me bibû, lê bi dîsîplîna xwe û pêkanîna talîmatan, bi ruhê xwe fedaî cuda bû. Hevreyê me Mîlîtan Kobanê bê sekin bû, wateya westandinê nedizanî, bi tevahî enerjiya xwe kar dikin, her wiha xwedî ruhekî bilind ê hevlatiyê bû.

Em sersaxiyê ji xwe, ji malbatên her sê şehîdan û tevahî malbatên şehîdan re dixwazin. Bawerî û israra me ya parastina wesyeta wan a avakirina welatekî bê teror û bê çete zêdetir dibe."

Li gorî daxuyaniyê nasnameyên her sê şehîdan wiha ne:

Nasnav: Ehmed Efrîn

Nav û paşnav: Ehmed Silêman

Navê dayikê: Nadira

Navê bav: Hisên

Cih û dîroka jidayikbûnê: Heleb/1986

Cih û dîroka şehadetê: Hesekê-25′ê Mijdara 2023′an

 

Nasnav: Mervan Kobanê

Nav û paşnav: Mehmûd El Oso

Navê dayikê: Meqûla

Navê bav: Elî

Cih û dîroka jidayikbûnê: Kobanê/ 2005

Cih û dîroka şehadetê: Hesekê/ 23′ê Mijdara 2023

 

Nasnav: Milîtan Kobanê

Nav û paşnav: Hecî Xelîl

Navê dayikê: Zerga

Navê bav: Mehmûd

Cih û dîroka jidayikbûnê: Kobanê/2003

Cih û dîroka şehadetê: Hesekê/23′ê Mijdara 2023.