Meşa Dirêj ku di çarçoveya pêngava “Ji Abdullah Ocalan re Azadî, ji Pirsgirêka Kurd re Çareserî” de bi pêşengiya tevgerên ciwanên Kurdistanî û ciwanên enternasyonalîst hate lidarxistin, di roja xwe ya duyemîn de ye. Ciwanan îro beriya ku li navenda bajarê Hammê dest bi meşê bikin, li pêşiya stasyona trenê ya navendî govendê gerandin û danezana ku pergala tecrîd û qirkirinê ya Îmraliyê teşhîr dike xwendin.

Ciwanan diyar kirin ku ew ê heta pêkanîna azadiya fîzîkî ya Rêberê Gelê Kurd Abdullah Ocalan û Kurdistana azad têkoşîna xwe bi biryardarî bidomîmin. Çalakiya ciwanan ji aliyê kesên derdor ve eleqeyekî mezin dît.

Di çalakiyê de belavokên derbarê tecrîda li ser Rêberê Gelê Kurd Abdullah Ocalan hatin belavkirin.

Piştî daxuyaniyê, ciwanan bi dirûşmeyên “Bijî Serok Apo”, Bê Serok Jiyan Nabe” li kolanên Hammê meşiyan.