Cenazeyê endamê Hêzên Têkoşîna Dijî Terorê Xelid El Muxîr yê di 13’ê Mijdarê de şehîd bibû, li Goristana Tebqayê hat veşartin. Bi sedan xelê Tebqayê, nûnerên Rêveberiya Sivîl a Demokratîk, komîte û nivîsgehên girêdayî wê, meclîsên leşkerî, Partiya Sûriya Pêşerojê, tevgerên jin, ciwan û rûspiyên eşîran beşdarî merasîmê bûn.

Hevseroka Meclîsa Malbatên Şehîdan Hind El Xelîl di merasîmê de axivî û wiha got: "Şehîd ronahiya nifşan in, bi saya wan û fedakariya wan em îro li vir in. Ji ber ku wan rojekê jî li hember parastina vê xakê ji qirêjiya terorê û sekna li hember êrîşên dijmin dudilî nebû."

El Xelîl got ku ew ê dev ji parastina desktefî û xaka xwe bernadin.

Hevserokê Komîteya Hundirîn Riyad El Walî jî axivî û wiha got: "Em soz didin şehîdan em ê li ser rêya wan bimeşin û armanca wan pêk bînin û heta dawiyê parastina vê xakê bikin."

El Walî anî ziman ku ew ê li hember tevahî êrîşên li ser Bakur û Rojhilatê Sûriyeyê bisekinin û ji bo parastina nirx, ewlehî û aramiya herêmê bibin mertal û ji terorê paqij bikin.

Di dawiyê de wesîqeya şehîd hate xwendin û radestî malbatê hate kirin.