Di kêliyên ku balafirên şer ên Tirk qadên gerîla bomberdûman dikirin de, Twitterê jî hesabê Navenda Çapemeniyê ya HPG'ê girt.

Di kêliyên ku bi fermana Erdogan re 20 balafirên şer ên artêşa Tirk Herêmên Parastinê yên Medyayê û li Xakurkê û Qendîlê sivîl bombebaran dikirin de, Twitterê bi AKP'ê re hevkarî kir û hesabê twitterê yê bi navê "Navenda Parastinê" ku li ser navê Navenda Çapemeniyê ya HPG'ê hatibû vekirin, girt.

AKP, ji bo pêşî li weşandina nûçeyên rast ji bo gelên Kurdistan û Tirkiyeyê bigire, tevahiya şevê êrîşên sîber li hemberî Ajansa Nûçeyan a Firatê (ANF) pêk anî û nehişt xwendevan xwe bigihînin malperê.