Li Şengalê şehîdbûna endamê Koordînasyona Civaka Êzidî Zekî Şengalî ya di encama êrîşa balafirên şer ên artêşa Tirk a dagirker a 15’ê Tebaxê de, li bajarê Melboûrne yê Avûstralyayê hate protestokirin.

Endamên Navenda Civaka Kurd a Demokratîk a Vîctorîa ya li pêşiya Pirtûkxaneya Eyaletê kom bûn, dewleta Tirk şermezar kirin.

Girseya ku weneyên Şengalî û alên YPG’ê hildabûn, li ser navê girseyê Zahir Herîkî daxuyanî da. Herîkî bi pirsa “PDK’ê û Amerîka li bermaberî çi berjewendiya Mam Zekî kire qûrban?’ nerazîbûn nîşan da. Herîkî li hemberî êrîşên dewleta Tirk bang li raya giştî ya Avûstûryayê kir.