Komîteya Navendî ya MKP’ê berxwedanên bi pêşengiya Leyla Guvenê destpê kirî ku ketiye roja 133’an silav kir û got divê di piştgirîdayîna berxwedan û têkoşîna demokratîk de ti kes fikar neke û fikar nayê kirin jî.”

MKP’ê di daxuyaniya xwe de anî ziman ku Leyla Guven nûnertiya çanda têkoşîn û berxwedanê ya jina Kurd dike û wiha pêde çû, “Leyla Guven bi sekna xwe ya bi rûmet û berxwedêr ve ne tenê ji bo gelê Kurd bandoreke gelek mezin li tevahiya gelên bindest û kedkar kiriye û rêzdariyieke mezin pêk aniye. Ev sekn, sekna berxwedêr a jina Kurd e.”

MKP’ê anî ziman ku xwedîderketin û mezinkirina vê berxwedanê erka hemû demokrat, şoreşger û pêşverûyan e û divê her kes berpirsyariya xwe pêk bîne û wiha pêde çû, “Bi serkeftinê tacîdarkriina berxwedanê, divê tenê li ser milê hevrê Leyla neyê hiştin. Her berxwedan û têkoşîna ji eniya demokratîk bilind dibe, bibe bilindkirin û xwedî derketina berxwedanê.

Ev berxwedana bi rûmet, li derve û hundir de bingeheke têkoşînê ye. Divê ev berxwedan nemîne di bin siha hilbijatinên xwecihî de û dengê berxwedanê bê bilindkirin, her kes û derdor berpirsyariya xwe bi cih bîne!

Di têkoşîna li dijî faşîzma AKP-MHP’ê ya qirker, nijadperest de em nikarin bêalî bimînin; lewre em ligel eniya demokratîk û têkoşîna rewa cihê xwe bigirin û hesab ji polîtîkayên tecrîd, komkujî û zilmê bipirsin, têkoşînê bilind bikin.

Em careke din di şexsê berxwedana bi rûmet ya Leyla Guvenê de hemû berxwedêrên greva birçîbûnê bi rêzdarî silav dikin û bang li hemû şoreşger û hevrêyan dikin ku xwedî li berxwedanê derkevin û têkoşînê mezintir bikin, bi vî awayî bihîstiyariya civakî rêxistin bikin, bi berxwedêran re di nav tevkariyê de bin. Ancax berxwedan tecrîdê, lewre faşîzmê bişîkîne!”