Li navçeya Alanyayê bûyerên ku ji ber êrîşa komên nîjadperest a avahiya HDP'ê destpê kirin hê jî berdewam dikin û polîsan tabeleya HDP'ê daxistin û teslîmî koma nîjadperest kirin.

Li navçeya Alanya ya Antalyayê bûyerên ku bi êrîşa komên nîjadperest a li hemberî avahiya HDP'ê destpê kirin berdewam dikin. Avahiya HDP'ê di bin dorpêça polîsan de ye û komên nîjadperest jî li ber avahiyê ne. Nîjadperestên ku dixwestin tabeleya HDP'ê daxînin gef xwarin ku heya tabela danekeve wê belav nebin. Li ser vê daxwaza nîjadperestan, polîsan tabeleya HDP'ê daxist û ala Tirk bi avahiya HDP'ê ve kir.

Polîsên ku tabelayê daxistin, tabelayê dan komên nîjadperest. Meşa komên nîjadperest li Alanyayê berdewam dike.