Kurdistaniyên li bajarê Kassel ê Elmanyayê, Mam Zekî Şengalî bi bîr anîn. Merasîma bîranînê saet 14'an li Navenda Civaka Demokratîk a Kurd a Kasselê pêk hat. Li ser jiyan û têkoşîna Mam Zekî Şengalî sînevîzyonek hate nîşandan. Piştre li ser têkoşîna wî axaftin hatin kirin.

ESSEN

Zekî Şengalî yê li Şengalê şehîd bû û Atakan Mahîr û 5 hevrêyên wî yên li Dersimê şehîd bûn, li Navenda Civaka Demokratîk a Kurd a li Essenê hatin bîranîn. Piştî deqeyeke rêzgirtinê ji bo bîranîna şehîdan, bi navê malbatên şehîdan, tevgera jinê û KOMAW'ê nûner axivîn. Hunermend Kawa Aktaş jî helbestek li ser Zekî Şengalî xwend:

"Min nûçeyek nexweş bihîst

Çongê min li min kire sist

Zuhayî da qirika min

Min nexwest qet bawer bikim

Li ser rêya Şengalê bû

Xweza ji te re şahid bû

Te xatir nexwest û tu çû

Li nav bihuştê bi cih bû

Li ser te ez bû me xemgîn

Lê ev xemgînî bûye kîn

Li dijî vî dijminê hov

Herî hêjaye raperîn

De fermandarê min rabe

De hevalo rabe rabe

Çavê xwe veke, binere

bikene û biaxive"