Ji ber protestokirina şewatê cezayê trafîkê li Tûnç hate birîn
Hunermend Ferhat Tûnç ji ber ku tevlî prostestokirina şewatê bû, ‘cezayê trafîkê’ lê hate birîn.
Hunermend Ferhat Tûnç ji ber ku tevlî prostestokirina şewatê bû, ‘cezayê trafîkê’ lê hate birîn.
Hunermend Ferhat Tûnç ê ku li dijî şewatên artêşa Tirk a dagirker têdikoşe, di 28’ê Tebaxê de ji ber protestokirina şewatê cezayê trafîkê lê hate birîn.
Dewletê rêya Pulur û Pûlûrimiyeyê li heyeta HDP’ê girtibû. Heyetê jî li ser rêya Xarpêt-Dersimê çalakiya rûniştinê li dar xistibû.
Ji ber vê sedemê cezayê trafîkê li Ferhat Tûnç hate birîn.
TÛNÇ: QEY JI AKP’Ê RE PERE LAZIM E
Tûnç nerazîbûn nîşanî biryarê da û got ku, “Parlementerên HDP’ê dema ku hatin bajêr, dewletê hemû rê li ber wan girt. Ya rast dewlet bi girtina rêyan sûcan dike. Li gorî dewletê daxwaza min a vekirina rêyan, min qanûnên trafîkê bin pê kiriye. Êdî mirov nikare şaş jî bibe. Qey qaseya dewletê vala ye û pere ji wan re lazim e.”