Hevseroka berê ya HDP'ê ya navçeyê hate girtin

Hevseroka berê ya HDP'ê ya navçeyê Hatîce Gevcan ku li navçeya Kerboran a Mêrdînê hate binçavkirin, piştî erêkirina cezayê girtîgehê yê ji 6 sal û 3 mehan hate girtin.

Îro di danê sibehê de cendirmeyan li gundê Xelîla yê navçeya Kerboran a Mêrdînê bi ser malan de girtin. Di serdegirtina malê de Hevseroka Partiya Demokratîk a Gelan (HDP) a Kerboranê ya berê Hatîce Gevcan hate binçavkirin.

Ji ber dosyayekê 6 sal û 3 meh cezayê hefsê li Gevcan hatibû birîn û ceza ji hêla Dadgeha Bilind ve hate erêkirin. Gevcan birin Edliyeya Kerboranê û piştî li Dadgeriya Cezayên Sulhê cezayê wê li rûyê wê hate xwendin, şandin girtîgehê.