Li bajarê Almanya Dortmundê bi boneya 34’emîn salvegera damezrandina PKK’ê şevbêrkek hate lidarxistin. Di axaftinên di şevbêrkê de hatin kirin hate diyarkirin ku bi têkoşîna PKK’ê Kurd hatine serd ika siyasetê û hat destnîşankirin ku nifşek nû hatiye afirandin.

34’emîn salvegera damezrandina Partiya Karkerên Kurdistan (PKK) ya ku 27’ê Mijdara 1978’ê li gundê Fîz ê navçeya Licê ya Amedê hate damezrandin, li seranserê cîhanê tê pîrozkirin. Bi vê boneyê li bajarê Dortmunda Almanyayê şahiyek hate lidarxistin. Zêdetirê 2 hezar kes beşdar bûn û di şahiyê de bê navber dirûşimên dilsoziya bi Ocalan re hatin qêrîn. Her wiha posterên Ocalan û alên PKK’ê hatin vekirin.

Felat Marînos di şevbêrkê de axivî û bal kişand ser dîroka PKK’ê. Marînos diyar kir ku bi rêbertiya Ocalan PKK’ê nişfekek nû afirand û got: “Di têkoşîna azadiya Kurdan de bi hezaran mirov şehîd bûn. Van şehîdan nifş û civakek nû afirand. Ev destkeftî bi têkoşîna PKK’ê derketin holê. Ev 34 sal in têkoşîn azadiyê tê meşandin. Ev di serî de keda şehîdan û me hemûyan e. Pêşengê vê yekê Rêber Apo ye. Ev 14 sal in di hucreyekê de li ber xwe dide. Em soz didin ku em ê Serok Apo ji tecrîdê rizgar bikin û em ê bi hev re salvegera PKK’ê li Amedê pîroz bikin.”

Piştî axaftinan stranbêj Çetîn Oraner û hin hunermendên herêmî derketin ser dikê. Şahî heta derengiya şevê bi govendê bi dawî bû.