Di merasîma cenazeyê şervanê YPG’ê Kawa Umer (Kawa Til Xezal) de, bi sedan welatiyê kantona Kobanê, Hêzên Erka Xweparastinê, saziyên civaka sivîl û Hêzên Asayîşê amade bûn.

Merasîm bi deqeyek rêzgirtina leşkerî ve destpê kir. Piştre jî Hevserokê Desteya Parastinê Ismet Şêx Hesen axivî û sersaxî ji malbata şehîd re xwest. Hesen got heta şehîdên azadiyê hebe wê gelê Kurd bi ser bikeve.

Hevserokê Meclîsa Kantona Kobanê Mustefa Îto jî axivî û got ew bi şehîdên xwe serbilind in û bi giyanê şehîd Kawa wê gelê Kurd biserkeve.

Piştre, nasnameya şehîd hate xwendin û radestî malbatê hate kirin.

Di dawiya merasîmê de cenazeyê şehîd bi dirûşman ve spartin axê.