Fermandarê Operasyona Nînowa Abdulemîr Reşîd Yarela diyar kir ku pira duyemîn a navenda bajêr a Mûsilê ketiye destê hêzên artêşê de û got, "Hêzên me avahiyên walitiyê û meclîsa bajêr jî kirine jêr kontrola xwe."
Fermandarê Operasyona Nînowayê Abdulemîr Reşîd Yarela têkildarî operasyona rizgarkirina Mûsilê îro daxuyaniyeke nivîskî da û got, hêzên artêşa Iraqê pira duyemîn a bi navê Hurye a li navenda bajêrê Mûsilê bi dest xistine û her wiha hêzên artêşê herêma ku bînahiya walîtî û meclîsê lê ne, kirine jêr kontrola xwe.
Hêzên artêşa Iraqê beriya bi çend rojan diyar kiribûn ku çend taxên din ên li bakur û rojhilatê Mûsilê ji destê çeteyên DAIŞ’ê hatine paqijkirin, her wiha hêzên wan gihaştine çemê Dîclê ku bajêr dike du şiq.
