Gelê Helepçeyê ji destê sibehê de li pêşiya Bîrdariya Qirkirinê û Muzeya wê kom bûn. Ji bo bibîranînê ji bajarên Silêmanî, Ranya, Keladizê, Şarbajar, Şarezor, Hewlêr û ji gelek bajarokên Behdînanê mirov hatin. Komên ku hatin, çûn serdana muzeyê.

MERASÎMA FERMÎ HATE LIDARXISTIN

Rayedarên hikumeta herêmê, waliyên Silêmanî û Helepçeyê, rêveberên YNK’ê tevlî merasîma fermî bûn. Merasîm li goristana şehîdan hate lidarxistin.

Piştî merasîma fermî hikumeta Başûrê Kurdistanê, partiyên Başûrê Kurdistanê, sefaretxaneyên welatan ên li Silêmanyê û saziyên civakî yên sivîl çeleng danîn ber bîrdariyê.

Bibîranîn hê jî didome.