Ji bo hilbijartina kesê bikeve şûna Serokkomar Toomas Hendrîk Îlves, li parlamenta Estonyayê dengdan hat kirin. Di encama vê dengdanê de biyologa navdar Kerstî Kaljûlaîd weke yekem Serokkomara jin a welêt hat hilbijartin. Kaljûlaîd a 46 salî, di tûra şeşemîn a dengdanê de 81 ji dengê 98 parlamenteran stand.

Ji Serokwezîrên berê û komîserên Yekîtiya Ewropayê Sîîm Kallas û Wezîra Karên Derve ya berê Marîna Kaljûrand weke hevrik derketibûn pêşberî Kerstî Kaljûlaîd.

Kaljûlaîd ku demeke dirêj weke biyologekê di cîhana zanistê de cih girt, ji sala 2004'an û vir ve weke nûnera Estonyayê di Dadgeha Hesab a Ewropayê de cih digirt, ku li dozên malî yên welatên Ewropayê dinêrî.