Yekîtiya Jinên Kurdistanê-Elmanya (YJK-E) bang li hemû jinên Kurd, hêzên demokrat û şoreşger ên li eyaleta Nordrheîn Westfalen a Elmanyayê dijîn kir, ku li dijî zextên li ser çapemeniya Kurd û ji bo şermezarkirina komploya navneteweyî ya 9'ê Cotmehê dakevin qadan.

Çalakî wê di 5'ê Cotmehê de dest pê bikin û di 8'ê Cotmehê de bi xwepêşandana şermezarkirina komploya navneteweyî, biqede.

Bernameya çalakiyan a YJK-E bi vî rengî ye:

5'ê Cotmehê roja Çarşemê: Ji ber girtina Med Nûçe, TV 10, Zarok TV û gelek saziyên din ên çapemeniyê, wê çalakiya protestoyî bê lidarxistin.
Cih: Martîn Lûther Platz 28, Dusseldorf (Pêşiya Konsolosxaneya Fransayê)
Saet: 11:00

6'ê Cotmehê roja Pêncşemê: Hêzên navneteweyî yên cih di komploya 9'ê Cotmehê ya navneteweyî de girtin, wê bi mîtîngekê werin şermezarkirin
Cih: Pêşiya Konsolosxaneya Amerîkayê li Dusseldorfê
Saet: 11:00

7'ê Cotmehê roja Înê: Desteserkirina Şaredariyên Kurdan, ji wezîfeyê girtina mamoste, akademîsyen û personelên tenduristiyê û girtina saziyên çapemeniyê wê bi pêşengiya jinan bê şermezarkirin.
Cih: Schadow Platz, Dusseldorf
Saet: 17:30

8'ê Cotmehê roja Şemiyê: Di asta eyaletê de wê ji bo şermezarkirina komploya navneteweyî ya 9'ê Cotmehê bi çalakiyekê were şermezarkirin.
Cih: Ebert Platz, Koln
Saet: 13:00