Partiya Wekhevî û Demokrasiyê ya Gelan (DEM Partî) li Qada Parka Colemêrgê bi beşdariya bi hezaran kesî mîtîngek li dar xist.

Li dû rêzgirtinê, namzetê hevşaredariyê yê Colemêrgê yê DEM Partiyê Mehmet Sidik Adim û Viyan Tekçî di mîtîngê de axivîn û piştre Serokwekîlê Koma Meclîsê ya DEM Partiyê Sezaî Temellî axivîn.

Temellî got, "Dem tê û dewran dizîvire" û diyar kir ku divê rewşa xirab a li welêt bi dawî bibe.

Temellî got, "Ev ferman nikare bibe çarenûsa me. Ji ber vê yekê em ê bi hev re vê biguherînin. Yên ku bi plana hilweşînê derketin rê, welat hilweşandin. Ev gel di bin kavilan de hiştin.” 

Temellî bal kişand ser guhertina gotinên siyasetmedaran ên bi nêzîkbûna hilbijartinan re û wiha axivî: "Heke her meh hilbijartin bûna, wê mehekê ji van cihan re bigotana 'Kurdistan' û 59 mehan jî 'terorîst' bihatana gotin. Hişmendî ev e. Bi vê hişmendiyê êrîşî me dikin. Lê tevî wan gel li vir e, DEM Partî jî li vir e." 

Temellî di axavtina xwe ya li mîtîngê de xîtabî Serokomar Erdogan jî kir û ev tişt anî ziman: "Tu nebû Serokomarê vî welatî. Ji me tiştek hîn bû, lê wê jî şaş hîn bû."

Di dawiyê de Temellî got, "Yê ku vê desthilatdariya faşîst hilweşîne îradeya we ye. Dengên me rûmeta me ne, em ê tu carî tawîzê nedin. Ji her derê gel ji bo parastina deng û rûmeta xwe tê. Ev gel e. Ji ber vê yekê hûn li ku bin, li ku derê lîstik lê be, werin wir. Ji bo azadiya xwe werin. Wê demê bila bibîni. Em ê pir bi hêz bi ser bikevin. Em ê teqez bi ser bikevin."

Mîtîng bi lêdana muzîkê dewam kir.