Serokê Desteya Hilbijartinê ya Bilind (YSK) Ahmet Yener anî ziman ku pêvajoya îtirazê ya li biryarên desteyên hilbijartinê yên bajar û navçeyan doh bi dawî bû û bi bîr xist, pêvajoya îtirazê ya awarte wê 14'ê Nîsanê bi dawî bibe.

Têkildarî encamên îtirazên partiyan Yener got, "Îtirazên AK Partî li 2 deveran hatin qebûlkirin. Îtirazên CHP'ê li deverekê hate qebûlkirin. Îtirazên MHP'ê li deverekê, îtirazên DEM Partiyê jî li 2 deveran ji aliyê desteya me ve hatin qebûlkirin. Pêvajo dewam dike. Îro saet di 14:00 de desteya me wê bicive."

Yener ragihand ku li navçeya Pinarbaşi ya Kayseriyê, li navçeya Curnê Reş a Rihayê, li bajarokekî Edîrneyê û li herêmeke hilbijartinê ya li Sêwasê wê di 2'ê Hezîranê de hilbijartin bê nûkirin.