Li paytexta Rûsya Moskowayê li salona konserê ya Ostankîno şahiyek hate lidarxistin. Kurdan tevî dostên xwe cejna Newrozê pîroz kirin.

Di pîrozbahiyê de Serokê Otonomiya Çandî Neteweyî ya Federal a Kurdên li Rûsyayê Ferhat Patiyev, Endama Tevgera Jinên Kurd a Civakî ya Herêman Kurdistan Lezgiyeva û Nûnerê Rêveberiya Bakur û Rojhilatê Sûriyeyê yê li Rûsyayê Reşad Bênav axivîn.

Qisekeran diyar kirin ku Rêberê Gelê Kurd Abdullah Ocalan têkoşîna azadiyê bi Newrozê da destpêkirin û bi saya vê têkoşînê Kurd bûne xwedî nasnameya xwe.

Pîrozbahî bi beşdariya Koma Kurdistan, Mesûd Med, Leyla Mîkoyan, Sare Haciyeva û koma govendê ya Rûken pêk hat.

Beşdaran heta derengiya şevê li ber stranan govend gerandin û Newroz pîroz kirin.