Kadroyên pêşeng ên Partiya Karkerên Kurdistan (PKK) Fûat (Alî Haydar Kaytan) û Riza Altûn ên îro di encama danezanê ya Kongreya PKK’ê ya 12’emîn de hatin îlankirin, li Navenda Civaka Demokratîk a Luzernê hatin bibîranîn. Li cihê bîranînê wêneyê Kadroyên pêşeng ên PKK’ê Fûat (Alî Haydar Kaytan), Riza Altûn û Rêber Apo hatin danîn.

Bîranîn bi deqeyek rêzgirtina ji bo giyanê şehîdan dest pê kir. Di bîranînê de Hevserokê Meclîsa Gelê Kurd a Luzernê Ercan Guneş axivî. Guneş anî ziman ku herdu hevrêyên me heta dawiyê di eniyên pêş de cihê xwe girtin û got: “Em ê li ser rêya wan meşa xwe ya azadiyê bidomînin.”

Endama Komsiyona Malbatên Şehîdan Fatma Tore jî axivî û ev tişt got: “Xem û êşa me zêde ye û nayê pênasekirin. Li pey her şehîdek me dilê me dişewite. Lê belê em bi van êş û xeman mezin bûn. Em bi van êşan hêz bûn. Em minetdarê hemû şehîdên xwe ne. Serê me bilinde û em ê timî bi wan serbilind bin.”

Siyasetmedar Siddik Batur jî axivî û got: “Alî Haydar Kaytan û Riza Altûn hevalên herî nêz ên Rêber Apo bûn. Bêyî ku em wan nas bikin, fêmkirina PKK’ê wê kêm bimîne. Pêvajoya îro hatiye destpêkirin hêjayî ruhê wan e. Em ê bi heqîqeta şehîdan têkoşînê bidomînin.”

Bîranîn bi dirûşmeyên “Bijî Serok Apo” û “Şehîd namirin” bi dawî bû.

LI GELEK NAVENDÊN SWÎSREYÊ SERSAXÎ TÊN QEBÛLKIRIN

Li bajarên Bern, Zurih, Basel, Cenevre, Biel, Aarau, Solothurn, Luzern, Winterthur, St Gallen, Bellinzona, Lozan û St Gallen ên Swîsreyê ji bo Kadroyên pêşeng ên PKK’ê Alî Haydar Kaytan û Riza Altûn sersaxî tên qebûlkirin.

Navnîşanên ku bîranîn lê bên darxistin  wiha ne:

Oscar Palace

Maienstrasse 6

2540 Grenchen

Dîrok: 18.05 2025, Yekşem

Saet: 12.00