Newroza li Marsîlyayê bi dirûşmeya “Ji Abdullah Ocalan re azadî” hate pîrozkirin.

Bi hezaran kesên ku saet di 13:00’an hatin gel hev, bi dirûşmeya “Ji Abdullah Ocalan re azadî, ji Kurdistanê re statû” ber bi Meydana Vîeûx-Portê ve meşiyan.

Di meşê de wêneyên Rêberê Gelê Kurd Abdullah Ocalan, ji kadroyên pêşeng ê PKK’ê Mazlûm Dogan û pankartên bi nivîsên “Tendirûstiya Abdullah Ocalan tendirûstiya me ye” û “Bi serkeftina Garê Newroz pîroz be” hilgirtin.

Di tevahiya meşê de, dirûşmeyên “Ji Abdullah Ocalan re azadî”, “Terorîst Erdogan”, “Katîl Erdogan” û “Dîktator Erdogan” hatin berzkirin.

Li Meydana Vîeûx-Port jî mitîngek hate lidarxistin.

Mitînga ku bi deqeyek rêzgirtin destpê kirî, piştî axaftina siyasetmedar Azad Şirnex bi berzkirina dirûşme û girtina dîlanê bi dawî bû.

KARLSTAD

Bı tevlîbûna gelek Kurdistaniyên çar parçeyên Kurdistanê li Karlstadê Newroz hate pîrozkirin. Di pîrozbahiyê de li ser navê NCKD a Karlstadê Abdîn Raslîko axivî. Raslîko got: “Newroza 2021’ê bi ruhê berxwedana Garê wê faşîzma AKP-MHP’ê têk bibe, tecrîdê dawî bike û li Kurdistanê azad bijîn.

Pîrozbahî bi dirûşma ‘Bijî Newroz’, ‘Bijî Yekîtiya Gelê Kurd’ û ‘Bijî Serok Apo’ bi dawî bû.