Li Kîelê dewleta Tirk hate protestokirin
Li bajarê Kîel a Elmanyayê, êrîşên qirkirin û dagirkeriyê yên dewleta Tirk ên li Kurdistanê pêktîne, hatin protestokirin.
Li bajarê Kîel a Elmanyayê, êrîşên qirkirin û dagirkeriyê yên dewleta Tirk ên li Kurdistanê pêktîne, hatin protestokirin.
Çalakiya Kurdistaniyan a li bajarê Kîel a Elmanyayê ya bi armanca protesto kirina êrîşên dewleta Tirk her roja Çarşemê tê lidarxistin, îro jî berdewam kir.
Çalakiya ku pankartên bi nivîsên Elmanî û Kurdî û alên YPG, YPJ û QSD’ê hatîn rakirin, bi deqeyek rêzgirtin destpê kir.
Di çalakiyê de êrîşên dewleta Tirk li Kurdistanê dayî destpê kirin, hatin şermezarkirin.
Di çalakiya de berxwedana Cenga Heftanînê silav kirin û diyar kirin ku pêwîste PDK dev ji vê helwesta xwe ya niha berde.
Di axaftinên li ser navê SKB’ê hatin kirin de jî bal hate kişandin li Tirkiyê û Kurdistanê bi destê dewletê li ser jinan siyasetek qirêj tê rêvebirin.
Çalakvanan diyar kirin ku dewlet tecawîzkaran diparêze û gotin: “Hikumetê îflas kiriye, niha li beramberî me hişmendiyek tecawîzkar rawestayiye.”
Di çalakiyê de li ser hev dirûşmeyên, “Qatil Erdogan”, “Qatil dewleta Tirk”, “Bijî berxwedana Heftanîn”, “Bijî Serok Apo” hatin berzkirin.