Bi dehan sazî di nav amadekariya pîrozbahiya li Eyaleta NRW de cih digrin. Pîrozbahiya Newrozê ku di bin navê yekîtiya neteweyî wê bê li dar xistin, di 20’ê Adarê saet 11:30’an de li DGB Haus Dusseldorf’ê dest pê bike.

Amadekaran banga "Tu jî tevlî meşa Newroza Mezin bibe" kirin.

Di daxuyaniyan wan de ev hat gotin: "Em ê agirê Newroza 2021’an bi bilindkirina biryardariya xwe ya têkoşînê û dilsoziya xwe ya bi Kawayê Hemdem Mazlûm Dogan, Ronahî, Rahşan, Berîwan û bi dehan şehîdên ku bûn Newroz pêbixin. Newroz navê xwedîderketina civakî ya berxwedana ji Kawayê Hesinkar heya Kawayê Hemdem, vejîn, azadiyê ya li dijî dagirkeriyê, mêtîngerî, zordarî û Dehak e. Ji ber vê yekê, banga me ev e ku em bi ruhê berxwedana Garê yê li dijî tifaqa faşîst a AKP-MHP û Erdoganê dîktator ku Dehakê hemdeme û li dijî dagirkerî û komkujiyan, di Newrozê de her derê veguherînin qadên berxwedan û serhildanê.

Bi pêngava "Tecrîd û faşîzmê hilweşînin, Rêberê xwe û gelê xwe azad bikîn" tevlîî pîrozbahiyên Newrozê bibîn.

Wek Federasyona Fed-Med NRW’ê em bang li hemû gelê xwe û gelên şoreşger û demokrat dikîn ku tevlî Newroza Dusseldorfê ku emê bi dehan partî û rêxistinên Kurdistanî û Tirkiyeyî bi rengekî hevbeş pîroz bikin bibin. Pêwîste her kes bi rengên ku hemû reng, nasname û çandên Mezopotamiyayê nîşan bide, bi rengên xwe tevlî Newrozê bibe.”

Navê saziyên amadekar ev in:

"FED-MED NRW, YJK-E NRW, TCS(Tevgera Ciwanên Soresger),Yekîtiya Niştîmanî Kurdistan (YNK), Tevgera GORAN, Partiya ŞÛÎ Kurdistan-Başûr, Kongra Star (Rêxistina Jin li Rojava), Partiya Zahmetkêşan Başûr, PADÊ (Partiya Azadî û Demokrasiya Êzidiya), Tevgera Azadî, PYD (Partiya Yekitiya Demokrat), P.D.K.S. (Partiya Demokrat a Kurd li Sûrî), Partiya Çep a Kurd li Sûrî, Tevgera Nûjen ya Kurdistanî-Sûrî, PÇDKS (Partiya Çep a Demokrat a Kurd li Sûrî), Partiya Demokrata Kurdî li Sûriya (El Partî), Partiya Çep a Demokrat li Sûriya, Partiya Rêkeftin a Kurd li Sûrya, Partiya Çaksaziya Kurd li Sûriya, Partiya Kesk a Kurdistanî li Sûriya, Partiya Demokrata Kurdistanî li Sûriya, Partiya Komunîsta Kurdistanî li Sûriya, PÎK (Partiya Îslamiya Kurdistan), KKP (Partiya Komunîsta Kurdistan), Tevgera KAWA, PJAK (Partiya Jiyana Azad a Kurdistan), Yakyatî Şoreşgêrî Kurdistan, KODAR (Civaka Demokrat û Azad a Rojhilatê Kurdistan), KJAR (Civaka Jinên Rojhilatê Kurdistan), Platforma Horam, Platform Zagros, Platform Yarsan, Yarî Kurd, Partiya Dimokrati Peşvero Kurdî li Sûriya, TEV-ÇAND (Tevgera Çand û Hunera Kurd), FEDA (Federasyona Elewiyên Kurdistan), NAV-YEK (Federasyona Komelên Êzidiya), CÎK (Civaka Îslamiya Kurdistan), YMK (Yekîtiya Mamosteyên Kurdistan), YES (Yekîtiya Êzidiyên Sûrî) ve ADGB (Yekîtiya Hêzên Demokratîk ên Ewropayê).”