Hate ragihandin ku vê sibehê nêzî 10 roket avêtine Kabîlê. Li gorî AFP’ê helîkopteran nêzî camiya bajarê kevn gule reşandine û nêzî stadyûmê tevdîrên ewlehiyê hatine stendin.

Hate diyarkirin ku hin roket li nêzî Qesra Serokkomariyê ketine ya ku nûneriyên dîplomatîk û avahiyên hikumetê lê hene.

Berdevkê Wezareta Karê Hundir Necîb Daniş got ku, “Komeke terorîst li Reka Hana (bajarê berê) avahiyek desteser kirine û gelek roket avêtine Kabîlê. Du kes birîndar bûne. Hêzên ewlehiyê li dijî terorîstan a niha şer dikin.”

Berdevkê polîsên ê Kabîlê Haşmet Stanîkzayî jî piştrast kir ku şer didome û bîlançoya şer neda.

Hê tu komê ev êrîş li xwe negirtiye.

Hikumeta Efganistanê roja Yekşemê banga agirbestê kiribû û vê Sêşemê li benda bersiva Talîbanê bû. Serokkomarê Efganistanê diyar kiribû ku hikumeta Efganistanê hemû astengiyên li pêşiya aştiyê rakirine û bang li Talîbanê kiribû ku, “Li ser esasên nirxên Îslamê bila xwe ji hevdîtinên aştiyê re amade bikin.”

Piştî daxuyamiya serokkomar Talîbanê diyar kiribû ku ew ê bi sedan dîlan ji bo cejnê serbest berdin. Lê ji bo agirbestê tu daxuyanî nedabû.