Li Endonezyayê ji ber girtina wêne keştî noq bû: Herî kêm 7 kes mirin
Li girava Cava ya Endonezyayê li keştiyeke bargiran, ji ber ku tûrîstan xwestin wêneyê xwe bigirin, keştî noq bû. Herî kêm 7 kes mirin.
Li gorî daxuyaniya polîsên Endonezyayê roja Şemiyê ev bûyer li herêma Boyolaliyê pêk hat. Dema ku 20 rêwiyan xwestin bi hev re wêne bigirin, keştî noqî avê bû.
Şefê polîsan ê li Cavayê Ahmet Lutfî ji çapemeniyê re ragihand ku sedema bûyerê ev e ku barê keştiyê giran bû. Lutfî got “20 kesan li milê rastî bi hev re wêne girtin û ji ber vê keştî noq bû”.
Li gorî polîsan 11 kesên di keştiyê de hatin rizgarkirin, 7 kes mirin û 2 kes jî winda ne.
