Li gorî enstîtuya jeofîzîkê ya Emerîkayê li 127 kîlometre rojhilatê Ternatê erd hejiya. Piştî erdhejê ji bo tsûnamiyê hişyarî nehate kirin û li gorî agahiyên pêşîn xisareke girîng tune.

Di meha Çileyê de jî li Girava Sûlawesî ya Endonezyayê bi pîleya 6,2 erd hejiyabû û nêzî 100 kesî miribûn. Li Endonezyayê ya ku gelek tevgerên sîsmîk lê hene, car caran erd diheje û volkan dipeqin.

Li herêma Palû ya Giraa Sûlawesî di Îlona 2018’an de bi pîleya 7,8 erd hejiyabû û 4300 kes miribûn. Herî kêm 170 hezar kes jî neçar mabûn koç bikin.

Di sala 2004’an de jî li nêzî Sûmatrayê bi pîleya 9,1 erd hejiya û tsûnamî pêk hatibû. 170 hezar kes jê li Endonezyayê bi giştî 220 hezar kes miribûn.